Nupi Hlun Thattu Pastor Cu Thiamlo An Coter

US, New York khawpi ih um pacang kum 65 mi Victor Mateo cu Christian Congregation The Redeemer Church ah pastor ṭuanlai a si.

May 2019 ah a nupi hlun Noelia Mateo (kum 58) tei inn hmaiah motor thawn ava ding, a nupi hlun in a tule pahnih cu tlawng thlah dingin a suak ih cutawk ah pastor in nam in ava dawt ciamco. Nauhak kum 11 le kum 9 mi khalin thilthleng rapthlak zet cu an rak hmu ih an ṭih tuk.

An innhnen ṭhenkhat khalin an rak um ih an au ciamco hnuah 911 an ko, pastor in a nupi hlun ih motor a mawngsak ih hmun dangah a tlan nan palik pawlin an dum hngal ih an kai ngah. A nupi hlun cu hliamhma tuar in a ṭap ciamco ih thla a cam, siizung an tlanpi hnuah a hliamhma tuar loin a nunnak a liam.

Ziangruangah pastor in a nupi hlun a that ti cu an zingzoi rero lai, pastor cu tualthattu tin thiamlo an coter ih kum 23 sung thawngtla dingin a thu an ṭhencat thu Christian Post thuthang sungah an tarlang.

Be the first to comment

Leave a Reply

Your email address will not be published.


*