Nupi Hlun Urthattu Cu Kum 2 Hnuah An That

September 2020 ah China pacang Tang Lu in a nupi hlun Tibet mi Amuchu a urthat. Fate 2 an nei zo, kum 30 mi Amuchu hi online sungih milar a si. Tibet khua te, tlanglo lam ih cangvaihnak cu online sungah a pholang ṭheu. A pasal in a hmuhsuam thei tuk, kut a thlak ṭheu ruangah an ṭhen aw ih a nulepa hnenah ava um.

A pasal in a ko ringring nan a kirsal duh nawn lo, a thih hlan thlathum June 2020 ah palik sakhan ah thubuai ava thehlut ih a pasal hlun in a hnaihnok ṭheu thu a sim nan ṭuanvo neitu pawlin ‘innsungsang thuhla a si’ tin an buaipi lo.

September 2020 ah live a thlah laiah a pasal hlun in datsii in a tawih ih a ur, online mipi pawl khalin an rak hmu ih an rap tuk. A taksa 90% cu a kangsiat thluh, zarhkhat sung an tuamhlawm hnuah a hliamhma tuar nawn loin a nunnak a cem.

Tualthattu Tang Lu khal China palik pawlin an kai ih kumhnih hnu July 23, 2022 ah an that. An that hlanah a innsang pawl thawn an tongawkter. Thuṭhentu in, “A sual tuahmi hi a rapthlak tuk, a thubuai cu khar a si” a ti.

Be the first to comment

Leave a Reply

Your email address will not be published.


*