Nupi Nei Cing Ding Cu An Kap That, Hamawknak Puai An Tuah Laiah An Kap That Pang

Egypt tlangval kum 21 mi Mustafa cu nupi nei cing ding a si. May 25, 2022 sun ah a fala thawn hamawknak puaipi an tuah ih an lawm dutdo. Mipi khal tam zet an um.

Innsang pahnih cu pumkhat an si thlang ding ruangah lawmnak ah meithal an kap ih vanduai thlak zetin Mustafa cu cerek in a ngah. A nupi ding hmuak in an um rero laiah cerek in a ngah ih a tlu, a thisen a suak ciamco ih siizung ah an va tlanpi hngal. Asinan, siizung an thlen hnuah a thi.

Middle East, Egypt ram ah puai picang an tuah tikah meithal kah hi an nunphung fehdan ciikhat a si. Hamawknak le mopuai ahcun meithal an kap ṭheu, innsang pahnih remawknak cu ralkap vekin an langter ih sunloihnak ah meithal an kap.

Hitin puainak hmun ih meithal an kah ṭheu ruangah mithi le hliamtuar khal an um hnuaihni zo. Mustafa kap ngahtu cu a rualpi pakhat ti an thei nan an phuangsuak duh lo, siizung lam in palik hnenah an theihter ih palik pawlin zingzoinak an nei rero lai.

Be the first to comment

Leave a Reply

Your email address will not be published.


*