Nupi Nei Dingin Ava Dil Ih An Rak Hnawng Ruangah Fala Cu Urthat A Tum

Kerala mipa kum 42 mi Ratnesh in fala uar zetmi anei, amah hi meisa electric tuahtu a si. Fala ih innsang hnenah an fanu cu nupi ah nei dingin ava dil ṭheu ih an rak duhpi lo, cumi hnuah fala cu midang thawn neiaw dingin an tawlrel.

Cumi thuhla a theih veten a thinheng tuk ih zan nazi 2:30 hrawngah fala tei inn parah a kai thup, fala ih khan sungah ava lut ih datsii thawn urthat a tum nan a hlawhsam, cansualnak a tong ih amah le mah a urthat aw sual.

Fala cu a him, a fala ih tapa le a mo in hlimahma an tuar ih siizung ah an tuamhlawm rero lai. Nikum khalah tlangval kum 23 mi in a uar zetmi fala cu neihawk a sawm ih arak duh lo.

Fala le tlangval cu tlawngkai tlang an si, tlangval in neiaw dingin a sawm ṭheu ih fala in a duh lo. Nikhat cu motor thawn thlah dingin a bum thei, hmun dangah a hruai ih motor sung ahcun datsii a tawih ih an pahnih in an kang that.

Be the first to comment

Leave a Reply

Your email address will not be published.


*