Nupi Ze Tuk, 24/7 Sung Ihkhun Parah Aum Ih Rawl A Ei, A Pasal In Ziangkim A Tuahsak Thluh

China, Tangshan ih um nunau kum 38 mi cu a ze tuk ruangah online tualrawn ah mipi in an soisel rero. Xiao Ya cu a nulepa in an rak duatsual ruangah zianghman a tuah paih nawn lo. Ni 7 sung, nazi 27 sung rori ihkhun parah aum ringring ih ihkhun parah rawl a ei. (A zun le dailen thuhla cu an tarlang lo ruangah ruat lo mei aw).

Ihkhun parah cun game a lek ṭheu ih a pasal in rawl a suansak ih ziangkim a tuah thluh. Rawlhmeh thaw lo cu a ei duh lo ih rawlhmeh 4 le soup hi aum ding tengteng a si, rawlhmeh 4 le soup aum lo asilen a dai duh lo lawlaw.

Media lamin a nulepa cu thu an va sut ih a pa in “Kan fanu hi kan rak duatsual ruangah a si, a nauhak lai ihsin nun kan simṭha lo ruangah hitin a cang. Kanmai thiamlo a si, university ah buaih a ngah hnu ihsin tutiang ziang hna hman a ṭuan hrih lo. Hna ava ṭuan tum asilen a lungkim lonak a rel ringring, hna 50 lenglo a thleng man” an ti.

A nulepa hi milian zet an si ih company khal an nei, an fanu ih pasal ding an hawlsak ih an thinharnak pawl laksaktu dingah mipa an hawl. Cutin pasal an neihter ih a pasal in duat zetin ziangkim a tuahsak, a nulepa in a pasal cu hnaṭha zet an pe ih hleiah innṭha zet le motor khal an pe. Sumpai lam ahcun a nulepa in an tawlrel sak thluh ih a pasal in duat zetin a kilkhawi ṭheu.

Be the first to comment

Leave a Reply

Your email address will not be published.


*