Olympics Ih Laksawng A Lak Laiah A Nu Thi Zo Upatnak A Pe “Ka Nui Sunmang A Si” A Ti

2020 Tokyo Olympics, Karate kata an zuamawknak ah Japan tlangval kum 31 mi Ryo Kiyuna in pakhatnak laksawng a ngah.

Mipa, bulpak zuamawknak ah Spain mi Damian Quintero thawn an lek ih nehnak a co. Cutin laksawng an peknak ah a nu thih zo ih zuk a keng ih upatnak a pe.

A nu in a nauhak lai ihsin a lekpi ṭheu ih laksawng ngah dingin a zuampi zet. 2019 kum ah a nu in a thihsan, a nu ih forhfialnak zarah World Championships veithum arak ngah zo.

Tuiṭum 2020 Tokyo Olympics zuamawknak khalah pakhatnak a ngah. Ryo Kiyuna in “Harsatnak phunphun ka rak paltlang, ka nauhak lai ihsin ka nu in thazang in rak pe ringring. Laksawng ka ngah lai hi a hmu cak tuk, vanram ah lungawi aipung in a ṭap ding ti ka zum” a ti.

Be the first to comment

Leave a Reply

Your email address will not be published.


*