US, Houston khua ih um fala kum 31 mi Niece cu model ṭuan lai a si ih online sung khalah a lar zet, zuknung sung khalah a tel ṭheu. Online parah thinlung buai, thluak buai pawl hrangah forhfiahnak anei ṭheu ih thinlung buai pawl a bawm. Amah khal thinlung buai natnak anei.
2019 kum ah hringtu a pa cu cancer natnak in a thi, cumi hnu ihsin a thinlung a buai ṭheu. Instagram sungah a zuk le video pawl a tar ṭheu ih thluntu khal a nei tampi. A zuk le video pawl cu a hlonhlo thluh ih May 14, 2022 sun ah amah le mah a thataw.
Instagram sungah zuk pathum lawng a ret. Pakhat cu motor sungih a zukawk lai zuk a si ih March 25 sun ah a pholang, a dang pakhat cu uico thawn an zuktlang lai zuk a si. Pakhat cu hmel lang fiah lo mipa pakhat thawn an zuk a si ih caption ah “Ka hringnun cu na kiangah ka hmang cem ding” tin a ngan.
A thatawknak san cu a innsang pawlin a thinlung buai ruangah an ti. Online mipi in, “Bawm a ṭul tuk lai caan khalah midang bawm dingin pum a peaw sawn. Thinlung buai pawl a bawm rero laiah amah khal thinlung buai, thluak buai in hringnun arak hmang ve” tin an riahsiatnak pawl an tarlang.
Leave a Reply