Online Ih A Tlangval Thawn An Tongaw Cu Mah Le Mah Thatawk A Tum

Online san ih um kan si ih online sungah thil ziangkim kan tuah thluh. Fala tlangval khal online fehtlang in an rak hawlaw rero, ṭhenkhat cu nupi pasal ṭha zetzet nei ngah khal an um nan leitlun cu a famkim lo tivekin bum rak tong khal an um thotho. Curuangah online sungih kan tlanlen tikah kan fimkhur tlang hi a thupi zet.

China fala kum 23 mi in online fehtlang in tlangval anei, online sungah cun an duhdawt aw zet. Online sungah cun a tlangval hi a mawi ngaingai ih a duhthusam a tling, cutin tongaw dingin an tiamkam aw. Fala in a tlangval tong ding cu a hngakhlap tuk ih a tlangval umnak km 251 ih hla Madunjiang City ah ava feh.

Hotel pakhat, inndot 7th floor-nak ah tongaw dingin an tiamkam aw. Hotel parih an va tongawk tikah cun online sungih a tlangval cu a zum vek arak si lo. Hmelsia zet, upat zet arak si ruangah fala cu a beidong tuk ih a lungkuai, a duhthusam zaten an ziamral thluh. Ihhmut sii a ei ih palang kuai thawn a ngel thahri a atcat tum, a tlangval in a thiam tawkin a hnem rero.

Fala in “In bum!, in bum a si” tin a au ciamco ih hotel inndot 7-nak ihsin dawp tlak a tum, cutin an buai rero laiah kiangkap um mi ṭhenkhat in palik pawl an rak ko lohli ih an va runsuak thei. Fala cu siizung ah an tlanpi ih a thinlung harsatnak lam an tuamhlawm. Online mipi pawlin “Tlangval cu an tampi si, hivek men ih mah le mah thataw tum cu a ṭha lo” an ti.

Be the first to comment

Leave a Reply

Your email address will not be published.


*