Online In Thil An Cah, Ava Pe Tum Ih Thilcahtu Ih Address Umnak Cu Thlanmual Arak Si Ruanagh A Ṭih Tuk

Covid-19 thlisia a hrang vekin zocio khal online par ihsin an cangvai ih thil an zuar. Thailand ram khal online parah an cangvai nasa zet.

Nikhat cu zo ti theih loin online par ihsin theiti bur 2 a cah, rawl zemtu in ava hawl vivo ih a cemnak ahcun thlanmual ah a thleng.

Theiti cahtu ih nganmi address khal thlanmual ciahciah ah a cawl, thlanmual cu arak thing reprep ih zohman an um lo ruangah a ṭih tuk.

Thla in an run cah ah a ruat lawk ih a thilton cu online parah a tarlang, asinan neta ah an biaaw theisal ih theiti cahtu cu thlanmual ihsin meter 300 hlatnak ih um a si.

An umnak a komker tuk ruangah mipi in an theithei lo ṭheu ih an address a ngan tinten thlanmual hi arak ngan ṭheu thu a sim thei.

Be the first to comment

Leave a Reply

Your email address will not be published.


*