Online Mipa Pawlin An Duhrawn Ciamco, A Ngaingai Ah Mipa Kum 53 Mi Arak Si

Japan mipa kum 53 mi in FaceApp a hmang ih a zuk cu a tuah danglam, fala hmelṭha zet vekin a tuah ih online sungah a post ṭheu. A online hmin khalah nunau hmin @zaitaku_iyada tin a ret ih online mipa pawlin an rak theithiam lo ruangah an uar ciamco.

Zing sunzan in ca an kuat ih video call in an bia tum ringring nan arak kai duh lo, catbang loin mipa pawlin ca an kuat ṭheu. Amah ruangah zan ihthat thei lo khal an um phah, asinan zuk pakhat cu a post-sual ruangah a sinak ngaingai an theisuak.

A dunglam thlalang ah amah ngai a lang cu mak an ti tuk, an zingzoi vivo ih mipa kum 53 mi a si ti an theifiang ih online mipa pawl cu lungkuai in an um. Ahlan khalah bike mawng ṭheu mipa kum 50 mi in tlangval pawl arak bum zo.

Photoshop le FaceApp in a zuk pawl a tuah danglam ih nunau vekin a post. @azusagakuyuki timi account in zuk a post ṭheu, online mipa pawlin an theithiam lo ruangah an rak ngaihzawng ciamco.

Anih khal a cangsual thotho ih mipa a si ti an theisuak. Japanese TV show pawlin thu an sutnak ah “Umhar phenah ka zuk pawl cu ka tuah danglam ih ka post. Asinan, rin aiin online mipi pawlin an rak duh zet.

Follower khal an pung deuhdeuh ruangah ka tuah vivo phah” a ti. Online mipi pawlin “Hi ruangah si online cu rinngam ding a si lo an ti ṭheu” tin an comment.

Be the first to comment

Leave a Reply

Your email address will not be published.


*