Online Parih A Tlangval Hnenah Ava Tlan Ih >>>

Karen fala kum 18 mi cu a nulepa in an kawk ruangah an inn ihsin a tlansuak, online parih a tlangval umnak Thongwa khua ah ava tlan ih a tlangval cu a hawl nan a hmu lo. Online parih a tlangval in an pehtlaih awknak zaten a hlonhlo/phit thluh ruangah khualak ah mangbang anhai in a vakvai.

A van ṭhahnak ah tualsung miṭha nunau Daw Myit in arak hmu ih dawr ah rawlei ding a do hnuah a parih thilthleng cu a sut ih a sim thei, online parih a tlangval thawn a tak ah an tongaw hrih lo. Kum 30 mi a si a ti. A zan cu an inn ah a riahter ih nun a sim, a thaizing ah tualsung thuneitu zung ah a fehpi nan zung an rak ong hrih lo.

Tualsung mibawmtu pawl hnenah thilthleng cu a sim theisak ih an khua lam ih mibawmtu pawl an pehtlaih. Cutin mibawmtu pawlkom in himdamten an inn ah an va thlah thei. Daw Myit in, “Nu ka sinak vekin ka seherh tuk, miruk hmang pawl thawn tongaw sehla Karen fala ih nunnak cu a siat thluh ding.

Online parih a tlangval khal nupi neilai pacang tla rak si sehla ziangtin aum ding. Nan fale pawl kilkhawi ṭha cio uh, tlangparmi fala ih nunnak siat ding ka phang tuk ruangah ka caancem in ka rak bawm. A hmin cu Hla Hla Win (Thanlyin) a si ih Irrawaddy, Natgyikone khua ih um U Kyaw Naing Tun le Daw Cho Lay tei fanu a si” a ti.

Be the first to comment

Leave a Reply

Your email address will not be published.


*