Online Sung Comment Ruangah Ralbawi Picang An Kai

U Zaw Win cu ralbawi picang a si ih CID hruaitu upa a si, ralhrang pawl tlawnginn hotu khal a si. Asinan, February 8, 2022 sun ah online sungih a comment mi ruangah ralhrang pawlin an va kai ih thubuai an orhter.

A liamzo December 5, 2021 ah ralhrang pawlin Yangon ramsung ih lamzawhtu pawl cu motor in an pah that rupro. Cumi video cu online parah an tarlang ih U Zaw Win in veihnih rori a comment.

Thuhla theitu in, “U Zaw Win cu February 8 sun ah an kai. December 5 sun ah ralhrang pawlin motor thawn lamzawhtu mino pawl an pah that, himi video hnuaiah U Zaw Win in ‘himi cangvaihnak cu ka cohlang lo’ tin a comment.

Cumi hnuah ‘Minung thinlung an nei lo, ramsa aiin an sual sawn’ tin veihnih comment a pe ruangah thlahnih hnuah ralhrang pawlin an kai. Hektu anei a si ding, U Zaw Win hi ralhrang ihsin pension la zikte a si. Kumkhat hnuah a cawl thlang ding nan a cawlh hlanah an kai” a ti.

U Zaw Win cu ralkap daan le dun pahbal thubuai an orhter ih pukmah 505 in taza an cuai tum. Ralhrang pawl lakah Min Aung Hlaing duhlotu an tam zet ruangah an thuhla theifiang dingin ralhrang upa pawlin an zingzoi rero lai.

Be the first to comment

Leave a Reply

Your email address will not be published.


*