Oxygen Leinak Ding Sumpai An Neilo, A Pai Thli Hip Ding A Pump Sak Ṭheu, A Bang Zet Nan A Pai Hmuh Ahcun A Hni Siamsi

Covid-19 natsia in Asian ramsung ahcun Philippines ram hi a nuai nasa bik ih damlo le mithi an tam zet zo.

Cutik laiah khuate pakhat ih um putar cu cuap ṭhalo natnak anei ih a thawsam in a buai ringring, innsang harsa zet an si ih oxygen leinak ding sumpai khal an nei lo.

Innsangpa bik in hna a ṭuan thei nawn lo ruangah innsang nu cu innlam khalah um thiam loin hnaṭuan dingin a poksuak ringring, a fanu kum 6 mi Catherine Cadiente in a pai thli hip ding cu thirleng ke pumpnak in a pumpsak ṭheu.

Catherine Cadiente le a upa in a pai thil hip ding cu an pumsak ringring, nauhak te an si lai ih an cau awl thei zet nan hringtu pai hmuh ahcun cau lo vekin an siamsi ṭheu. Venghnen ṭhenkhat in an thuhla cu online parah an thlahsak ih tu’ahcun bawmtu tla an nei phahphah thlang ti a si.

Be the first to comment

Leave a Reply

Your email address will not be published.


*