Pacang Pakhat Cu A Innsang Cawmnak Hrangah Fala A Nei Thup

Himi thil a thlennak kum cu mallai a rei ve deuh thlang nan kan rung tarlang sal a si. Vietnam, Ha Tinh province ih um pacang kum 32 mi Tran Dinh Cuong le a nupi in fate 2 an nei. Tran Dinh Cuong cu inn ah a um dah lo ih khua dangdang ah hnaṭuan in a vaksuak ṭheu.

A vahsuahnak hmun ahcun tlangval vekin a tlangleng ih fala anei vivo, cutin a fala pawl hnen ihsin sumpai a dil ṭheu ih a ngahmi sumpai cu a nupi hnenah a kuatsawng. Khua ṭhenkhat ahcun palik bawi vekin lem a cang ih fala hnaṭuan ṭha nei thawn an duhawk phah.

Cutin fala hnen ih a ngahmi sumpai cu a nupi hnenah a kuat ringring ih an ram paisa 200 million VND hrawng cu fala hnen ihsin a hailut zo. A thuhla cu ṭuanvo neitu pawlin an thei ih kai dingin an hawl, asinan inn ah aum dah lo ih khua dangdang ih a vakkual ṭheu ruangah awlsamten an kai thei lo.

An inn kiangkap ah an rak bawh thup ringring hnuah an kap ngah. Palik bawi in, “Kan rak bawh ringring ih a nupi hnen ih sumpai ara pek laitak ah kan kai ngah. Malte tlai deuh sehla cun kan kai ngah zik lo ding, a san cu a caan len lamzin kap ahtla aum men ṭheu” a ti. Tu’ahcun palik kutsung ah aum zo ih fala pawl arak bum ṭheu ruangah thawng an thlak.

Be the first to comment

Leave a Reply

Your email address will not be published.


*