Pacang Pakhat Cu An Kaih Hnu Reilote Ah A Thi, Ralhrang Pawlin ‘A Tlan Ih A Bahnak Ah A Thi” An Ti

Mandalay Division, Sint Kaing Township, Kathe khua ih “Tu Dae” timi lakphek dawr neitu pacang kum 30 mi U Phyo Maung cu December 1, 2021 sun ah ralhrang pawlin an kai. Simlam ah a thih thu a innsang hnenah an sim thei ih a thihnak san cu ‘Tlansuah a tum ih a bahnak hliamhma ruangah a thi” an ti.

A ruak khal an la thei lo ih ralhrang pawlin an phum zo thu an sim thei. U Phyo Maung an kaihnak a san cu PDF pawl a bawm, a tanpi tin thubuai orhter ih an kai, an kaih sun ah a nupi le a fapa kum 2 mi khal sakhan ah an hruai nan annih cu an suahsal.

Hmin tarlang rem lo tualsung mi pakhat in, “Facebook parah PDF hnenah bawmnak a pek thu a tarlang lawk. Asinan a hlonsal ih zianghman a hlu lo thu a tarlang. a thaisun ah a dawr ah ralhrang pawlin an va kai cih. An kaih laiah a ke ah veithum an kap, thusutnak hmun ah an hrem nasa tuk ih a kut khal a kiak.

A bah ruangah a thi an ti cu a cang thei lo, an hrem that si ko. An ra kaih tik khalah an kap zo, hliamhma thawn an hruai. Pangaiten hnaṭuan ih eihawltu a si, PDF khalah a tello. Bawmnak khal zianghman a pe lo, hitin kan khuami an that cu a thinheng um tuk” a ti.

Be the first to comment

Leave a Reply

Your email address will not be published.


*