Pacang Pakhat In A Fale Pawl Lettama Ava Koter Ih Lamlak Tiva Ah Nauhak 3 An Fen That

Mandalay peng, Pyin Oo Lwin District, Kauk Si Pin khuate ih um pacang pakhat in a fale pawl cu khua dangih um lettama ko dingin a fial.

Cutin nauhak rual cu an poksuak ih mipa nauhak kum 6 mi pahnih le nunau nauhak kum 12 mi cu lamlak tiva ah an fen that. September 20 sun ah pacang in Warintote khua ih lettama ko dingin nauhak pawl cu a fial.

Ruah nasa zetin a sur ciamco ruangah lamlak tiva ah nauhak pawl cu an fen that. Mibawmtu pawlkom MADAYA RESCUE in, “Tiva ah an fen that, tidai cu kanmah can hrawngin a thuk. Mani sunvu le zanvar in ruah a cen, catbang loin ruah a sur.

Tiva ih fen that nuahak pawl cu unau an si lo, lektlang ringring nauhak rualpi aw an si. Manisun cu innkhat ah mithi pakhat ciar kan nei” a ti. Mithi ruak pawl cu khuasung mipi, MADAYA RESCUE le meitat pawlin an hawl rero hnu simlam nazi 6:00 hrawng an hmu thluh.

Be the first to comment

Leave a Reply

Your email address will not be published.


*