Pacang Pakhat In A Fanu 2 Le A Tule 4 A Urkang

Pakistan, Muzaffargargh district sungih um pacang Manzoor Hussain in a fanu 2 le an fale 4 a urthat, a fanu pahnih cu pasal nei zo an si ih innkhat ah an umtlang khawm. A urkangnak cu a fanu kum 19 mi Fauzia Bibi in a siannak neilo in pasal a neih ruangah a si.

Thla 18 liamzo ah a fanu Fauzia le a tlangval kum 35 mi Khurshid Mai cu duhdawtnak in an neiaw, nulepai lungkimnak tel loin an neiaw ruangah an innsang pahnih karlakah doawknak a thleng. Curuangah Manzoor in a unaupa a sawm ih a fanu tei inn cu an va urkang, a sungih um zaten an thi thluh.

A fanu pakhat ih pasal Khurshid khal a thi, minung 7 rori an kang that. A fanu upatu ih pasal cu hnaṭuannak ih arak um ruangah a kang ve lo. A fanu upatu ih pasal Ahmad in “Sumdawngnak thuhla ruangah Multan ah ka rak um, inn ka va tlung cu kan inn a kang rero lai ka hmu.

Ka pu (a nupi ih pa) le a unaupa khal a hmun ah an rak um ih, ka hmuh veten an tlan cih. Ka pu le a unaupa cu an fanu pasal neih thuhla ruangah an lungawi lo tuk, curuangah thinheng in kan inn an ra urkang. Ka fapa thla 4 mi khal a kang that” a ti. Nauhak dang cu kum 13 mi, kum 6 mi le kum 2 mi pawl an si.

Manzoor le a unaupa cu palik pawlin an kai ngah hrih lo ih an hawl rero lai. Cun ziangtin inn an urkang ti leh ziangruangah innkang laiah an tlansuak thei lo ti pawl an zingzoi lai.

Human Rights Commission of Pakistan in “Kumtinten Pakistan ramsung ah nunau 100 lenglo cu an innsang, sungkhat pawlin an that. An duhmi le an lungkimnak tello in pasal an neih ruangah an that ṭheu” tin an tarlang. (#Daily Mail)

Be the first to comment

Leave a Reply

Your email address will not be published.


*