Pacang Pakhat In A Fanu A Pawngsual Ṭheu

Tulai India ramsung ah thuthang rapthlak zet a thleng. Uttar Pradesh, Lalitpur district ih um fala kum 17 mi cu a pa in arak pawngsual ṭheu.

Ahmaisa bik arak pawngsualnak cu phun 6 a kailai a si, cutin a duh tiktik caan ah a pawngsual ṭheu ih “Na relsuak asilen na nu ka that ding” tin a hringhro. Cutin duhtawk men loin a rualpi le a hnaṭuanpi pawl khal a fanu cu a ihpitter, a rualpi lakah an khuatlang hruaitu upa pawl khal an tel.

An khuatlang hruaitu upa pawl cu hnaṭuannak thuhla ruangah an inn ah an va leng ṭheu ih a fanu cu a sualpitter. A caan len a pa in hotel ah a hruai ih sumdawngnak thuhla ruangah a rualpi pawl thawn an tongaw, cutawk ah a fanu cu a itpitter.

Kum 17 mi cun police hnenah a sim thei ih amah pawngsualtu cu minung 28 an si thu a phuang thluh, kum reipi sung an rak sualpi ṭheu thu pawl a sim thei. An zingzoinak ah a pa in a fapa kum 10 mi khal a puahcok ṭheu thu an theisuak. Anmah humhimnak ah an hmin cu tarlang siang a si lo.

Police pawlin siizung ah an zohdik hnuah pawngsualtu pawl cu thubuai an orhter thluh ih minung 7 cu an kai zo, midang khal an hawl rero lai. Pawngsualtu lakah an sungkhat naivai khal an rak tel tin India Today thuthang sungah an tarlang.

Be the first to comment

Leave a Reply

Your email address will not be published.


*