Pacang Pakhat In “Nupi Ka Neih Hnuah Fala Ka Nei Ih Ka Nupi Khalin Poi A Ti Lo, Hitin Rak Tuah Ve Uhla Zohman An Thinheng Lo Ding” Tin Forhfialnak A Nei

Fala le tlangval cu an caiaw (duhaw) zet hnuah biakinn sungah “Thihnak lo cun in ṭhen hlah seh” tin Pathian hmai le mipi hmaiah thutiam kamawknak an nei ih innsang an dintlang. Asinan kum le caan an herliam vivo hnuah cun innsang ah buainak phunphun a thleng ih “Thihnak lo cun in ṭhen hlah seh” timi ṭongkam cu mitthlep karah a cang, a ziamral.

Curuangah pacang pakhat in nupi na neih hnu khalah fala nei uhla innsang nuam zet ah nan cang ding tin forfialnak anei cu mipi thinlung a neh zet. Pacang in “Nupi ka neih hnu khalah fala ka nei lai thotho ih ka nupi khalin poi a ti lo, a lungawi sawn. Ka fala cu a mawi tuk, a nonal si duhnunnak hlir in a khat.

Nupi nei cingin kan date-aw ṭheu ih hotel ah rawl kan eitlang ṭheu, hnaṭuan ka cawlh caan ah vaksuak dingin ka va sawm ih zuknung kan zohtlang. A mawizia le ka duh tuk thu cu ka sim ringring ruangah pacang ka si ti a thei ko nan in duh ve tuk, ihkhun par khalah nuam zetin caan kan hmangtlang ṭheu.

A hnenah ‘nang ka rak lo tong cu leitlun ih mi vanṭha bik ka si” tin ka sim thei ringring. Anih khalin pacang ka si zo ti a thei ko nan present in pe ih surprise in tuahsak, ka duhzawng in tuahsak ṭheu.

Oh!!! Casiartu thil pakhat ka lo sim theihhngilh mi aum, ka fala ka timi cu ka nupi sokhaw. Thildang ah na rak ruat pang kei. Ka duhmi fala hi ka neih hnu khalah kan falat tlangval lai vek thotho in kan pehtlaih aw lai. Biakinn sungah “Tiam ee” kan ti ruangah kan falat tlangval lai ih kan duhdawtnak pawl a ti danglam cuang lo.

Nitinten “Kan ngaiawk thu, kan duhdawtnak biathu kan hlanaw ringring lai. Zingtinten ka nupi hi kan tonawk hmaisabik ni vekin ka pehtlaih ringring lai ruangah kan innsang khal a nuam phah. Nupi nan nei zo asikhallen nan nupi kha nan fala vekin pehtlaih uhla a thinheng zik lo, fala thar hawl a ṭullo ih a hlun kha tharter sawn tum uhla nan nupa karlak a nuam phah ding. Ka nupi cu ka fala a si” tin forhfialnak anei.

Be the first to comment

Leave a Reply

Your email address will not be published.


*