Pacang Zuri A Hlo Ih An Hawl Ciamco, Mihlo Hawlnak Ah Arak Telve >>>

Turkey, İnegöl khua ih um pacang kum 50 mi cu a hlo ih an hawl ciamco, mihlo hawlnak ah ava feh ih zo an hawl ti a theihlo ruangah mihlo hawlnak ahcun a telve. Pacang Beyhan Mutlu le a rualpi pawl cu an khuahnar ah zu an intlang khawm ih hmun dangah a feh hnuah a kirsal nawn lo.

A rualpi pawlin an va hawl rero nan an hmu thei nawn lo ruangah tualsung police hnenah an report. Cutin police le khua sung mipi pawlin het leh chet tin a hlohnak kiangkap hrawngah an hawl ciamco nan a sulhnu hmuh ding aum lo ruangah an mangbang tuk.

Beyhan Mutlu cu mihlo hawlnak ah ava feh ve ih zo an hawl ti khal thei loin a hawl bawm ve. A innsang le a rualpi pawlin an rak theithiam lo cu mak an ti zet, caan tawkfang an hawl hnuah an beidong tuk ih a hmin an ko ciamco.

Beyhan Mutlu in amai hmin an ko ti a theih veten a mangbang tuk ih mipi lak ihsin, “Um lawk hrih uh, zoso kan hawl rero hi? Kei cu hinah ka um si” a ti cu an lungawi in an hnihsuak tuk. Mi tlawmngai pawlin Beyhan Mutlu cu an inn ah tluangten an va thlahliam.

Be the first to comment

Leave a Reply

Your email address will not be published.


*