Paing Takhon Cu 2021 Ah Leitlun Ih Mipa Mawi & Tuak Bik Ah An Hril

Kum 25 mi Paing Takhon cu 2021 kum sungah leitlun ih mipa mawi & tuak bik no. (1) ah an hril. TC Candler le The Independent Critics in kumtinten leitlun ih mipa mawi, tuak bik le nunau mawibik hrilnak an rak nei ṭheu.

TC Candler hi 1990 kum ihsin leitlun ih mipa mawi, tuak bik le nunau mawibik pawl hrilnak an nei ih laksawng khal ṭha zet an pe.

Leitlun ih mipa mawi, tuak bik 100 an hril ih Paing Takhon in a pakhatnak a ngah thu tuisun December 28, 2021 ah an phuang. Nunau ahcun Blackpink ihsin Lisa in a pakhatnak a ngah. Nikum 2020 khalah Paing Takhon hi arak tel zo ih number 10-nak aum. Lisa khal nikum ah arak tel zo ih a pahnihnak a ngah.

Paing Takhon cu Myanmar lemcan thiam le model hminthang a si, ralkap uknak duh loin a cangvaih ṭheu ruangah ralhrang pawlin an kai ih kum 3 sung thawngtlak le hna harsa ṭuan dingin a thu an ṭhencat.

Be the first to comment

Leave a Reply

Your email address will not be published.


*