Paing Takhon Ih Nu A Damlo Bese

Paing Takhon ih nu Daw Khin Kyu cu tulai nat in a damlo bese ih oxygen bun in an tuamhlawm rero lai. A fapa a seherh theituk ruangah thazang khal anei mal.

Kum 24 mi Paing Takhon cu Myanmar ramsung lawng siloin Asian ramsung khalah milar hminthang a si. Ralkap cozah duh loin a cangvai ruangah ralkap pawlin an kai ih Insein thawnginn sungah an khum.

Thawnginn sung khalah a damlo phahphah ṭheu ih a fans pawlin an seherh thei zet. Ralkap in thawngtla pawl an suah zalen ding ti thuthang aum veten hringtu a nu Daw Khin Kyu cu a lungawi tuk ruangah umngaihnak khal anei lo ṭheu.

Zan khalah itthat thei loin aum, asinan a fapa Paing Takhon cu an suah dah lo ih a zanlam ahcun mitthli thawn caan a hmangsal. A rualpa in “Paing Takhon hrangih thla nan cam vekin hringtu a nu hrang khalah thla rak cam uh law” a ti.

Be the first to comment

Leave a Reply

Your email address will not be published.


*