Paletwa Ralhrang Sakhan Ah Thantar Var An Zar, “Thantar Var Cu Kan Tlawm Ee” Tinak A Si

Chin State, Paletwa ramsung ih um 289th Infantry Battalion umhmun khuarnak tlang parah thantar var an zar tin kiangkap um mipi pawlin an rel. December zarh netabik ihsin thantar var an zar thok ih December 28 tiang khalah an tar ringring lai an ti.

Tualsung mi pakhat in, “Atir ih an tarnak cu hitawk lam ihsin a hmuhfiang zet, neta ni 1/2 hnuah dunglam ah an tar sal. Ziangtik nicaan ciah ah an tar ti cu ka thei nawn lo nan December 23 ni ihsin kan hmu thok, tu’khalah aum lai, ziangruangah thantar var an tar ti cu kan thei ve lo” a ti.

Himi thuhla ah media pawlin Paletwa ramsung ih ralbawi cu pehtlaih an tum rero nan phone a kai thei lo, thantar var an tar hnu ihsin ralhrang sakhan sungah motor lutsuak khal amal zet. CDM tuah ralbawi in, “Sakhan parah thantar var an tar asilen ‘kan tlawm ee’ tinak a si, sakhan sungah ralkap an um nawn lo, ralkap innsang pawl lawng an um ih in do hlah uh’ tinak khal a si.

Doawknak tualrawn ah thantar var an tar asilen ‘kan sung ee’ tinak a si, Paletwa ralhrang sakhan ih thantar var an tarmi a san cu sakhan sungih um pawl lawngin an thei ding” a ti.

Be the first to comment

Leave a Reply

Your email address will not be published.


*