Palik Bawi Le A Kuthnuai Palik Cu Bike Thawn Lam An Leng Laiah An Rak Kap, Palik Bawi A Thi

Kharan Township, Yoke Gyi khua ih palik bawi le a kuthnuai palik pakhat cu October 1, 2021 simlam nazi 7:00 hrawngah bike thawn lam an leng.

Cutin lam an leng laiah meithal in veithum kah an tong ih a hmun ah palik bawi cu a thi hngal, a kuthnuai palik khal thi le dam karlakah aum lai. Kah tong palik pahnih cu Kharan police station ih palik bawi Thet Lin Aung le palik Sai Aung an si.

Kharan police station ih duty palik pawl cu ralkap in rampi thuneihnak an lak hnu ihsin duty pawl an si, hmun dang ihsin Kharan police station ah an ra duty. Tualsung mi pakhat in “Palik 2 cu bike thawn an tlunlam ah Zuugyi kiangah an rak kap, zo pawlin an kap ti cu kan thei lo.

Palik bawi Thet Lin Aung cu a hmun ah a thi cih, palik Sai Aung khal siizung ah an tuamhlawm rero lai ih a dinhmun cu seherh aum tuk. Thih le nung karlak ah aum, Zuugyi hmun ah ralkap pawl an va thleng zo ih hlakhlainak an nei rero lai” tin Kanyan Channel hnenah a sim thei.

Be the first to comment

Leave a Reply

Your email address will not be published.


*