Palik CDM A Tuah Hnuah PDF Ah “Ka Nunnak Thapin Ralhrang Pawl Ka Do Ding” A Ti, A Nulepa In An Fanu Sinak Ihsin An Hlon

Fala kum 20+ mi Ma Ye Myat Mon Naing cu a nauhak lai ihsin mipi kilhimtu palik si a cak zet. Palik a ṭuan hnuah a theitawk in mipi buainak pawl a cinfel sak ṭheu, asinan Min Aung Hlaing in ramsung thuneihnak a la ih khuasung mipi pawl a that ciamco.

Min Aung Hlaing in palik le ralkap pawl cu mipi um men, daiten lamzawhtu pawl kap that dingin a fial ruangah Ma Ye Myat Mon Naing in “Zianghrangah meithal ka keng?” tin a ruataw hnuah CDM a tuah.

Min Aung Hlaing kuthnuai ah hna a ṭuan thei nawn lo ih CDM a tuah. Ayeyarwaddy ramsung ih CDM tuah hmaisabik palik nunau a si, ralhrang pawlin kaih an tum ih thla 2 sung hrawng cu sungkhat inn ah a relh. Cumi hnuah ramlak ah a tlan ih PDF ah a lut, cutin ralkap uknak a dodal ruangah hringtu a nulepa in an fanu sinak ihsin an hlon.

Ma Ye Myat Mon Naing in, “PDF ka lut ruangah ka nulepa in an fanu sinak ihsin in hlon. Ram le miphun hrangah nunnak thapin ka poksuak zo ih fanu sinak hlo cu ka tuarna tuk lo. Kan ram hi tualthattu ralkap uknak ihsin kan runsuak ding, kan neh tengteng ding. Kan neh theinak dingah ka nunnak thapin ral ka do ding, himi hi ka thuthluknak a si” a ti.

Be the first to comment

Leave a Reply

Your email address will not be published.


*