Mandalay, Mahlaing ralhrang sakhan sungih an kaihmi fala Ma Ei Thandar Aung cu palik in a tlansuahpi. Ralhrang pawlin an hawl ciamco nan an hmu nawn lo, tu’ahcun hmunhimnak an um zo thu Kings Cobra Guerilla Force -MDY in an phuang.
Mahlaing khua ahmat (1) vengsung ih um fala Ma Ei Thandar Aung cu dothlengnak ruangah ralhrang pawlin an kai ih pukmah 50 in thubuai an orhter. July 10, 2022 ah palik Soe Paing in an khumnak hmun ihsin a runsuak ih a tlanhlohpi.
Tualsung mipi ralkap hnenah bawmnak a dil ih MRRF, MSMF le KCGF (MDY) pawlin hmunhimnak ah an hruaisuak. Palik Soe Paing cu CDM a tuah ih Ma Ei Thandar Aung hi a zangfah tuk ruangah a runsuak thu a sim.
Kings Cobra Guerilla Force -MDY thuphuangtu in, “Kan pawlkom pathum hnenah bawmnak in dil ih harsat zetin hmunhimnak ah kan va hruaisuak. Tuisun ahcun hmunhimnak ah an um zo. Palik Soe Paing khal kan suang zet.
Kan naule pawlin harsat zetin an va hruaisuak thei. Fala le tlangvak duh aw an si lo, pehtlaih awknak zianghman an nei lo. Palik Soe Paing hi CDM a tuah ih minung le minung zangfahnak ruangah a runsuak, cerek bawmhnih lawng a tlansuahpi thei” a ti.
Palik Soe Paing le Ma Ei Thandar Aung cu MRRF, MSMF le KCGF (MDY) pawlkom pathum in an thup phah vivo ih hmunhimnak ah an hruai thleng.
Leave a Reply