Palik Zuri In Nauhak Kum 13 Mi A Kap That, Ting 15 In Remawknak An Tuah Tum Nan A Nulepa In An Duh Lo

Bago, Toungoo District, Zayatgyi khua ah palik zuri in nauhak kum 13 mi Maung Myo Myat Tun a kap that. May 11, 2022 zan nazi 8:00 hrawngah palik pawl cu sakhan ah zu an in, palik Tun Tun Win cu za tama le ritheihsii tham áš­heu a si.

Maung Myo Myat Tun tei inn cu palik sakhan kiangah aum, nauhak Maung Myo Myat Tun in a nu damlo hrangah an hmunchar coka ah arsa sawhciar a tuahsak rero laiah palik zuri in a kap that. Meithal cerek in veihnih a ngah ih a hmun ah a thi cih.

Tualsung mi pakhat in, “A nu damlo hrangah arsa sawhciar a tuah, arsa malte a ei laitak ah meithal in an kap that. A pum ah an kap ngah, an inn cu palik sakhan dunglam ah aum. Himi thil a thleng laiah vengsung ah meisa aum lo ih ruah a sur.

Palik Tun Tun Win in minung phenthlam a hmu ih a kap thu a phuangaw, Tun Tun Win ih upa cu palik bawi Aka Soe a si ih misual hminthang a si. Palik Tun Tun Win cu zu le sii a ri kop, palik lam in ting 15 in remawknak an va tuah tum nan a nulepa in an duh lo” a ti.

Maung Myo Myat Tun ih ruak cu May 13 ah an vuiliam, palik pawlin nauhak thuhla hi midang hnenah relsuak lo dingin an hringhro.

Be the first to comment

Leave a Reply

Your email address will not be published.


*