Parcel Sungah Congor Rul Tum Zet Arak Um

Thailand, Muang district, J&T Express parcel kuatnak hmunpi ah congor rul tumpi an hmu. Parcel cu March 22, 2022 ah a thleng, an va zemsuah hlanah parcel bawm cu a cang rero ih a sungah thamvang khal an thei.

Parcel sungah thildik lo aum ding ti an zum ruangah hnaṭuantu pawlin an vun ong cu congor rul tum zet ara suak thutthi, hnaṭuantu pawl khal a cuk tum ih an ṭih tuk. Kiangkap ih um rul kaihthiam an ko lohli ih zohman tuahmawh aw um loin congor rul cu an kai ngah.

Congor rul cu metre 4 in a sau ih a tum zet. Ṭuanvo neitu in, “Congor rul kan hmuh veten kan zaten kan lau thluh, minung hrangah a ṭihnung tuk” a ti.

Congor rul cu Nam Phong khua ih kuat dingmi a si, palik pawlin a kuattu le a dawngtu ding pawl cu an va zingzoi rero lai. Online mipi pawlin, “Tualthat tumnak a si, parcel sungih congor rul rettu cu napin hremnak pe uh” an ti.

Be the first to comment

Leave a Reply

Your email address will not be published.


*