Pasalṭha, Nupi 16 Le Fate 151 A Nei Zo Nan Nupi Neih Bet A Tum

Africa, Zimbabwe pacang kum 66 mi Misheck Nyandoro in nupi 16 le fate 151 a nei zo nan nupi neih bet a tum vivo lai. Misheck Nyandoro in “Tuikum thlatang caan ah nupi 17-nak ka nei ding, ka thih hlanah nupi 100 neih ka tum ih fate 1,000 neih ka tum” a ti.

Misheck Nyandoro cu Zimbabwe ralkap ṭuan zo a si ih a thazang khal a cak zet, zankhat ah a nupi 4 a itpi ṭheu. A itpi dingmi a nupi pawl ih hmin cazin a ngan cia thluh ih an caan a kim tikah ava itpi.

Misheck Nyandoro in “Ka hnaṭuan cu ka nupi pawl diriamnak pek hi a si. Room khat hnu room khat ka lut vivo ṭheu. Ka nupi nauhak ka itpi dan le upa lam ka itpi dan cu a bangaw lo, ka thleng danglam ṭheu. Tu cun nupi nauhak te lawng ka nei thlang ding, upa lam cu nupa-sinak ah an cak lo tuk” a ti.

Misheck Nyandoro cu hna a ṭuan nawn lo ih a hnaṭuan cu rawlei le a nupi pawl itpi hi a si. “Ka fate pawlin in rak ei cem lawk, asinan tu ahcun ka fale, ka tule pawlin in cawm. Sumpai le laksawng in kuat ringring” a ti.

A fate 50 cu tlawng an kai lai, 6 cu Zimbabwe National Army an ṭuan ih 2 cu palik an ṭuan. A fate 11 in hna sang zet an kai ih a fanu 13 in pasal an nei zo, a fapa pakhat cu amah vek a si ih nupi 4 anei zo.

A nupi pawlin a ei duh zawng rawl an suangsak ṭheu ih nikhat ah rawlei ding vei 16 an pe. A duhlo zawng ih rawl an suang asilen an rawl cu arak hlonsak ih neta ah ṭhaten suang ding an zuam ṭheu. Misheck Nyandoro in “Ka nupi pawlin ka duh zawng rawlsuang an zuamaw, inn an tifai ih a ṭulṭul hna an ṭuan ṭheu. Kei in an diriamnak ka pe” a ti.

Be the first to comment

Leave a Reply

Your email address will not be published.


*