Pasalṭha Pial Leidai Ah An Zalh

Kayah ramsung ah ralkap le mipi kilhimtu pawl nasa zetin an doaw rero lai, ralkap pawlin khuasung mipi khal ral vekin an kap thotho ih an soisa ciamco. Ralkap pawlin raltlan pawl ih ei le in, siivai ret ṭhahmi pawl khal an urkang sak.

June 11 sunah Karen ralbawi Shaw Reh (Shah Fei) hohanak in raltlan pawl an va hruai, Demawso ramsung ih raltlan pawl an va hruai ih lamzin ah ralkap thawn an kapaw ciamco.

Karen ralkap pawlin raltlan pawl cu an humhim, raltlan pawl hmaiah an dingih ralkap pawl cu an kap ciamco. Nazi 3:00 sung hrawng an kapaw ih vanduai thlak zetin an hotu Shaw Reh cu an kap that, asinan raltlan pawl cu hmunhimnak ah an hruai thleng thei.

Shaw Reh cu 2013 kum ihsin Karen ralkap ah arak lut zo ih raldo a thiam in a fim zet ruangah an hotu pakhat ah a cang, raltlan pawl humhimtu ralbawi ah a cang ih raltlan 100 lenglo an rak humhim zo.

Kum 30 mi Shaw Reh in a nupi le a fapa pakhat nauhakte a thihsan, a ruang cu tuisun June 14 sunah Karen ralkap KNPP pawlin an leiram sung Taduso Martyr’s Monument ah hlunghlai zetin an vuiliam.

Be the first to comment

Leave a Reply

Your email address will not be published.


*