Pasalṭha Salai Cung Peng Lian Ram Le Miphun A Humhimnak Ah A Thi

Tuisun June 3, 2021 ah Hakha-Matupi lamzin ah ralkap le Chin mipi kilhimtu CDF pawl an doaw ciamco ih kum 20 mi Salai Cung Peng Lian cu ram hrangah a nunnak a liam.

May 31 ihsin Surkhua le Aika khua karlak ah CDF – Hakha le ralkap pawl an kapaw rero lai.

June 3 thotho ah Mindat (CDF) le ralkap pawl an kapaw ih ralkap lam 3 & 7 hrawng an thi, 4 in hliam an tuar. Chin-Magway ramri, Shwe Aung Thar khua ih phungyi tlawnginn ah ralkap 60 hrawng umhmun an khuar.

Tuizing nazi 5:30 ihsin 7:00 hrawng tiang Mindat mipi kilhimtu le ralkap pawl an kapaw ciamco ih ralkap lam thi le hliamtuar an um. Mipi lamah hliamtuar le mithi an um lo, tu hrih ahcun an cawl lawk ih kapaw sal thei ringring dinhmun an si.

Be the first to comment

Leave a Reply

Your email address will not be published.


*