Pasal 7 Anei Ih An Duat Zet, A Hrangah An Nunnak Khal An Pe Ngam

Nunau ṭhenkhat in pasal pakhat neih khal harsa an ti tuk laiah ṭhenkhat cu rawlei vekin pasal neih cu an awlsam zet thung. Africa, Uganda khua ih um nunau pakhat in pasal 7 anei ih an duat zet, a vahsuah ding asikhallen ke ih feh an siang lo ih kan zawn/phur ṭheu.

Pasal 7 aneih ruangah thiktu khal anei tam ih a hminthang zet, a hmin cu Allman a si ih sibawi pakhat vekin an zoh mi a si. A sam khal a tan dah lo, mithi khal a kaitho thei ih thlarau lam ih an hruaitu a si. Tualsung mipi pawlin Nunau Samson “Female Samson” tin an ko.

Thilti theihnak aneih ruangah khuatlang upa pawlin pasal tampi nei dingin an fial, cutin fa anei tam dingih a thiamthil khal an hlanaw vivo ding ti an zum. Pasal pakhat hnen ihsin fa pakhat lawng anei thei ih tu’ah fate 6 anei zo, a pasal 7-nak a pasal thar hnen ihsin fa anei cing ding.

A pasal 7 pawl cu inn pakhat ciar a pe ih cutawk ah an um, a pasal 7 pawl cu nupa-sinak khal an khopkham zetin a pe thei ih zohman in an complain dah lo a ti.

Cun, an cakhiarnak khal a thilti theihnak ihsin a tuah thei thu a rel, a pasal pawlin an duhdawt tuk ih a hrangah an nunnak khal an pe ngam. “Ka pasal pawlin in bum ngam lo, an rak rinum lo asikhallen khuahlan kan pupa pawlin mang lam ihsin in sim thei hngal ding” a ti.

Be the first to comment

Leave a Reply

Your email address will not be published.


*