Pasal A Neih Thluh Ciah Lungphucawl In A Thi

Egypt, Medoum khua ih um fala kum 21 mi Isra Shaaban in hlunghlai zetin pasal anei. Kutsihnak an tuah theh hnu nazi pakhat ah lungphucawl in a thi.

An inn thar ih an tlung lamah a cau tuk. A awm na thu a rel ih siizung ah an tlanpi hngal ih siizung an thleng zawngah a hnukcat.

A unau Mohammad Hamed in “Mani sun ah Isra ih mopuai ah lungawi zetin caan kan hmang khawm. Tuisun ah a ruak kan vuiliam.

Mopuai ah kan zaten kan hlim tuk, asinan nazi pakhat hnu ahcun kan khuasen in kan riah a sia” a ti. Isra Shaaban cu a ni sunglawi bik mopuai ah a thi ih a thaisun ah an vuiliam. A thihnak cu lungphucawl in ti a si.

Be the first to comment

Leave a Reply

Your email address will not be published.


*