Pasal Nei Zikte Cu Vanduainak Tongin A Thi

UK, South Yorkshire, Rotherham khua ih um kum 21 mi Jessica cu a tlangval thawn neiaw dingin ziangkim an tawlrel thluh.

An neihawk ding ni le caan lawng an hngak, an neihawk ding ni a thleng hlante ah Jessica cu a rualpi pawl thawn Bronco’s Rodeo hmun ah an va feh ih cawcang lem a to, a vanduainak ah a tlasual ih lungphu cawl in a thi.

A zan ah a tlangval hnenah a thih thu an va sim thei ih an riahsia tuk. A nu in, “Fanu duhnung zet a si, capoh ngaina zet a si. Pasal nei dingin ziangkim kan tawlrel thluh zo, zungbun khal a lei zo. Hitin mual in liamsan cu a poi tuk” a ti.

Jessica ih thih thuhla ruangah an vengsung mipi pawl cu an riahsia thluh ih tuarpinak an langter, a unaupa in Jessica hmin in fund hawlnak a tuah ih £10,000 lenglo a ngah.

Be the first to comment

Leave a Reply

Your email address will not be published.


*