Pastor Cawl Zo In Kawhhran Sumpai Tam Zet A Ru

US, Pennsylvania ih pastor cawl zo in a rawngbawl laiah sumpai tam zet a ru ti an theisuak.

Rev. Wayne Peck cu Community House Presbyterian Church a kum 40 sung pastor a ṭuan, a nupi thawn kawhhran sumpai an kilkhawi ih an eiru ṭheu.

Postor ihsin a suah hnuah ṭuanvo neitu pawlin an sumpai umdan a diklo ti an thei ih an zingzoi. Rev. Wayne Peck in kawhhran sumpai $357,478 zat a ru ti an theisuak cu mak an ti zet.

Palik in, “A rukmi sumpai cu inn man, ei le in, nitinten bill pawl peknak ah a hmang” a ti. Highland Avenue ah inn tumpi an nei. Kawhhran ṭuanvo neitu pawlin, “Kan lau tuk, kan buainak cu ṭhaten cinfel kan tum ding” a ti. (#Christian Post)

Be the first to comment

Leave a Reply

Your email address will not be published.


*