Pastor Fapa In A Fala A That, Nau A Pai Ti A Sim Veten >>>

Brazil ram ih pastor fapa in a fala naupai lai a that. Pastor fapa kum 28 mi Gabriel cu nupi nei lai a si ih a thupten fala thawn an rak kopaw ṭheu, thla 10 sung an kopaw zo ih nau a pai.

Fala in Gabriel cu a ko ih thil thupi tuk lo sim ding ka nei’ a ti, an inn ava thlen tikah cun fala in naute kor a hmuh hnuah naupai test-nak cu arak hmu ih nau a pai ruangah fala cu a lungawi tuk. Gabriel cu a talbuai ih thuthluknak a tuah lohli thei lo, ‘tlawngkai ningan tiang caan in pe lawk awla ka nupi le ka innsang pawl hnenah thilthleng hi ka sim thei ding’ a ti.

Ihkhun ah an ittlang ih Gabriel in a fala cu a rek, zianghman a thei nawn lo lawk. Asinan ara harhsal ruangah coka nam ava la ih a fala cu a dawt that, Gabriel in naupai test-nak le a phone cu a laksak ih naupai test-nak cu lamzin kap ah a hlon.

Cumi hnuah a fala cu hnaṭuannak ih a lang lo ruangah le phone a kaih thei lo ruangah a hnaṭuanpi pawlin thildiklo aum ding tin palik hnenah an sim thei. An innsung an va zoh ih mithi ruak cu an hmu, thilumdan pawl an zingzoi vivo hnuah Gabriel khal palik pawlin an kai ih a thilsual tuahmi pawl a phuangaw, hremnak pe dingin palik sakhan sungah aum lai.

Be the first to comment

Leave a Reply

Your email address will not be published.


*