Pastor Hur, A Cangvaihdan Hi A Tenum Zet

Brazil, Mato Grosso khua ih um pastor kum 42 mi Lourival hi mi danglam zet a si. Biakinn pathum ah rawngbawl in aum. Nunau 13 arak puahcok zo, nunau 2 cu kumkim lo tleirawl te an si.

A thuthla an theihfiang hnuah May 19 ah an kai. Nunau ṭhenkhat cu thlacamnak a neihsak hnuah a sualpi. Nunau pawl ih serh ah hriak a hnih ih thlarua sia pawl dawitlannak a ti.

Kumkimlo tleirawl pakhat khalin pastor in a serh a thamsak thu a rel. Nunau kum 17 mi in, “Biakinn ah thlacam dingin ka va feh ih hriak in hnih, mi in an lo dawi in tiih hriak in hnih hnuah zianghman ka thei nawn lo” a ti.

Cutin zianghman thei lo ih aum sungah arak puahcok. Nunau 13 cu palik sakhan ah an feh ih an phuang aw, palik pawlin hi aiin an tam men thei ti zumnak an neih ruangah zingzoinak an tuah rero lai.

Be the first to comment

Leave a Reply

Your email address will not be published.


*