Pastor In A Fala Naupai Lai Nauthlak Sak A Tum Ruangah A Thi, A Ruak An Neihter Thotho

Nigeria, Owerri ih um Pastor Rev Dr. Sucess Emeka Sunday cu rawngbawltu hminthang zet a si, Life Transformation Praying Ministry dintu khal a si. Fala kum 32 mi Chioma thawn an kopaw ih kum 5 sung an thlunawk hnuah neiaw dingin an hamaw cia.

Cutik lai caan ah Chioma cu nau a pai ih an neihawk hrih lo ruangah pastor in hminsiat ding a phang ruangah a pum sungih naute cu thlak dingin a fial nan a duh lo. Tlaikhat cu rawlei dingin a sawn ih a thil in dingah ritheih sii arak rawi thup.

Chioma cu a ri tuk ih zianghman a thei nawn lo. Tualsung siizung ah ava tlanpi hngal ih pastor in a pum sungih um naute cu thlaksak dingin a fial. Sibawi pawlin an duh lo lawk ih a nor rero hnuah nauthlak dingin an tawlrel, an buaipi rero laiah Chioma in thisen a luak ruangah pastor cu tetti khannak ah a hmin an nganter nan hminlem a ngan.

Cutin, an buai rero laiah pastor in a fala ih innsang pawl a ko ih a damlo ih a bese tuk tin a bum. A innsang pawl an va thleng tikah cun an fanu cu arak thi zo. Siizung lamin autopsy an tuahnak ah a taksa sungah ritheih sii aum thu an sim ih an zingzoi vivo hnuah pastor khal a phuangaw ve.

A naupai lai thlaksak a tum ruangah a thih phah thu a sim thei, a fala ih innsang pawl cu an thinheng tuk ih an phum hlanah pastor le an fanu ruak cu an neihawk ter ta.

A thlalung par khalah a pasal ih hmin an tarlang ih an phum, pastor khal nupi nei zo vekin ngankhum a si. Chioma ih innsang pawlin “Kawhhran pawlin Rev Sunday cu sermon dingin an sawm rero thotho, Bethel Seminary khalah theology zirhtu a ṭuan rero lai” tin pastor parah hremnak zianghman an pek lo ruangah an riah a sia zet.

Be the first to comment

Leave a Reply

Your email address will not be published.


*