Pastor In “Jesuh A Rat Lohli Lonak Cu Sumpai Nan Pek Lo Ruangah A Si” A Ti

Kum 70 mi Jesse Duplantis cu Louisiana ram, Destrehan khua, St. Charles Parish, Covenant Church ah pastor tuan rero lai a si. Amah hi peknak thuhla sim a uar zet, Jesse Duplantis Ministries timi a din ih miharsa pawl bawmnak ah a hmang.

Milian zet multi-millionaire a si ih pulbak vanzam tampi anei zo. Kenneth Copeland’s ministry hmin in fundraising an hawlnak ah pastor Jesse Duplantis in “Jesuh a ratsal lohli lonak cu Pathian ih in fialmi peknak ah zianghman kan pek lo ruangah a si. Himi hi theihiam uhla cun, a ratsal lohli nak dingah nan pe ding” a ti ruangah mipi in mak an ti tuk.

Peknak thuhla a sermon theu nan peknak thuhla ah amah sawn mipi in an soisel, kan dungte ah an umnak veng sung cu thlisia in a nuai ciamco ruangah veng sungah meisa an nei lo lawk. Cutawk ah zianghman a cangvai ve lo tin vengsung mipi pawlin an soisel.

2018 kum ah bulpak vanzam $54 million Falcon 7X jet lei a tum ih mipi hnenah sumpai a khong. Cumi tum khalah mipi in an soisel tamtuk ruangah Jesse Duplantis in “Sumpai ka khong asilo, Pathian rawngbawlnak ih telve dingin ka sawm sawn a si, Pathian in Falcon 7X vanzam pek in tiamkam ih cumi khal ka lei tulloin na ngah ding in ti.

Vanzam pathum ka nei zo ih ka hmang rero hnuah Pathian hrangah ka urkang, thenkhat in rawngbawltu pawl cu vanzam neih an tullo an ti. Rawngbawltu cu hmundang dang ih kan feh a tul, leitlun ramtinkim ih kan feh a tul si, sakhua hmin ih sumpai khonnak ah thilsual aum lo” a ti. (#Christian Post)

Be the first to comment

Leave a Reply

Your email address will not be published.


*