Pastor Nupi In A Tlangval Hnenah A Pasal That Dingin A Fial, Nun Thuthup An Rak Nei

March 22, 2021 zan ah pastor kum 50 mi David cu a inn sungah kah that a si, innsung ah a nupi kum 48 mi Kristie khal aum ve. A nupi in palik pawl a phone ih an innsung ah rukru a lut ih a pasal an kap that thu a sim thei. Palik pawl an va thlen tikah cun David cu a hliamhma tuar loin arak thi zo.

Palik pawlin an zingzoi vivo ih Kristie in tlangval kum 26 mi anei ti an theisuak, a tlangval cu a pasal that dingin a fial ih meithal le cerek khal a pe. An inn kiangkap CCTV an zohnak ah Kristie in an inn dunglam sangka a ong cia lai an hmu.

Kristie le a tlangval cu palik pawlin an kai, kan dung zarh ah Kristie cu tualthat thubuai an orhter ih August 2022 ah hremnak an pe ding. Partor David cu Harmony Freewill Baptist Church ah pastor ṭuan lai a si. An kawhhran upa in, “Hmun dangdang ah a vaksuak ṭheu, a hni siamsi ringring. Miharsa pawl a bawm ṭheu” a ti.

Pastor nupi Kristie in court hmaiah an nun thuthup a phuang ve cu mipi in mak an ti tuk. A pasal thawn an karlakah buainak phunphun an nei, a pasal in a ukbet tuk ih sumpai khal hmang a siang dah lo ih amah lawngin a control thluh.

A pasal hi miburpin nupa-sinak hmang duh pawl arak si, a nupi khal mipa dang thawn a ittlangter ih a duhlo ruangah kut arak thlak zo. A pasal a that hlan, thlakhat hrawngah hmundang ah rawngbawl in an fehsuak ih Super 8 motel sungah mipa dang koin a nupi cu a itpitter.

Kristie in, “Mipa dang thawn ittlang dingih in fialtu cu amah hi a si” a ti. Cutawk ihsin a nupi in tlangval a nei thok ih David theih loin an pehtlaihaw ih an ittlang ṭheu. Veikhat khal Kristie in a pasal ṭhen a tum ruangah meithal in a tin ih a hringhro thu court hmaiah a rel. Kristie in an nupa nun thuthup a phuang hnuah an thubuai cu court in a zohdiksal ding.

Be the first to comment

Leave a Reply

Your email address will not be published.


*