Pathein Khua Ih Mibawmtu Pawlkom “Inn Ih Mithi Pawl Kan Thiarsuak Thei Nawn Lo Ding” An Ti

Ayeyarwady, Pathein khua cu Covid-19 natsia in a nuai ciamco ih damlo le mithi an tam zet zo. July 1 ihsin July 16 tiangah Covid-19 positive 243 zat an thi.

Manaw Phyu mibawmtu pawlkom in mithi ruak pawl cu inn ihsin an thiarsuak ih an urkang, an vuiliam ṭheu. Asinan. July 17 ihsin “Inn ih mithi pawl cu kan thiarsuak thei nawn lo ding ruangah in rak theithiam hram uh” an ti.

Asinan, Covid-19 ih damlo bese pawl cu a ṭuldan izir in an tuamhlawm vivo ding. Khuasung mi pakhat in “Manaw Phyu mibawmtu pawl khal an buai zet ti kan thei,

Mi tlawmngai pawl lakah Covid-19 nat nei an um ih an damlo bese zet. Hitin thu an suahnak khal minung an daihawk nawn lo ruangah a si ding” a ti.

Be the first to comment

Leave a Reply

Your email address will not be published.


*