Pathlawi Le Fala Hnahkhat An Neiaw Tum Ih Fala In A Duhsal Lo, A Fale Pawl Umpi Ding A Paih Lo

Nunau le mipa an duhawk tikah an ziangkim khal an duh cih ding an ti ṭheu. An sulhnu ih thilṭha lo pawl khal theihhngilh sak ih hmailam pantlang vivo ding an si.

Mexican, Monterrey khua ah pathlawi fa 3 nei zo le fala hnahkhat an duhaw, an duhawknak khal a rei hrih lo nan neihawk an tum lohli. Cutin an neihawknak ding cu an tawlrel thluh, an neihawk ding ni lawng an hngak.

Hmailam caan ih an umdan ding pawl an reltlang ih fala in a lungkim lo, James Flores in a nupi hmaisa thawn an fate 3 cu kan hnenah an um ve ding a ti ruangah an neihawk ding cu an cancel sal. Fala khalin a umpi thei lo ding thu a sim ih an ṭhenaw sal.

James Flores in an thuhla cu a facebook cahmai ah a tarlang, “Ka damsung ih ka umpi ding fala a si lo ti ka theifiang. Ka nupi hmaisa thawn fate 3 kan nei zo ih ka nupi hlun in kan fale pawl cu a ngaihsak nawn lo. Ka hnenah an um, kei cu ka fale pawl hrangah pacangṭha si ka tum, ka fale pawl umpi theilotu nunau cu nupi ah ka nei thei lo” a ti.

Cun, an neihawknak ding hall le thil ziangkim an tawlrel thluh zo ih $4,300 zat a cemliam, “Neiaw zik te nan um asilen kan tawlrel ciami neihawk bungrua pawl cu $3,000 zatin nan hmang thei” a ti.

Online mi ṭhenkhat in an soisel ih “Nupi na nei tum maw nau umtu (babysitter) na nei tum sawn?” an ti. Asinan, ṭhenkhat cun “Na tiṭha tuk, fale pawl hi a pakhatnak ih ret ding an si” an ti ve thung. (Nangteh????)

Be the first to comment

Leave a Reply

Your email address will not be published.


*