“Pawhte Tum Tuk Neih Cu A Har Tuk, Nunau Pawlin In Thik” A Ti

Pawhte tum zetzet mi pahnih in an thilton cu online parah an tarlang, “Pawhte tum cu thlausuah a si rualrual in camsiatnak khal a si” an ti. Tuahcop ih pawhte tum an si lo ih pianphung ihsin pawhte tum an si.

Kum 21 mi Australia fala in, “Online parah ka zuk ka tarlang tinten. Tuahcop pawhte, a lem a si kha tin ṭongkam sia phunphun in an comment. In soiseltu pawl cu nunau lawnglawng an si, soisel ding dang khal an thei lo ih ka taksa thuhla lawnglawng an soisel. Nunau mawi zet, mai co tawk ih lungawi thiam pawlin mi an soisel dah lo” a ti.

Kum 20 mi fala Emily in, “Comment pawl hi ka siar ṭheu ih a caan ahcun ka zuk pawl khal ka hlonhlo thluh duh. In soiseltu pawl cu nunau lawnglawng an si, ṭongkam mawi lo zetzet in barh. Nunau in nunau a tanpi ding ti a si nan nunau pawlin in relsia sawn” a ti.

Be the first to comment

Leave a Reply

Your email address will not be published.


*