Pawlkom 3 Komaw In Tedim, Khaikam Palik Sakhan An Nuai

Chinram, Tedim peng, Khaikham ih um palik sakhan cu mipi kilhimtu pawlin an nuai ih palik 5 an thi. Mipi kilhimtu PDF-Zoland, CDM, CDF-KKG pawl cu an komaw ih palik sakhan an kap ciamco.

Tuizing September 17 zinglam nazi 5:00 hrawngah palik sakhan cu an kap ih palik 5 an thi, hliamtuar khal an um ih palik thilri tampi an siatsuah. Mipi kilhimtu lamah hliamtuar le mithi an um lo tin PDF-Zoland in an phuang.

Tualsung mi pakhat in, “Tuizing nazi 5 hrawngah palik sakhan lamah bomb puak awn kan thei. Meithal awn cu vei 40 hrawng kan thei, cumi hnuah bomb veikhat a puak sal” a ti.

Tedim ramsung ih doawknak a thleng ruangah palik pawlin Kalaymyo ihsin Laitlang lam so tum motor pawl cu an kham thluh. September 15 khalah PDF-Zoland in Tedim ramsung ih um ralkap pawl ih MyTel towers ban 5 an siahsuah thu theih a si.

Be the first to comment

Leave a Reply

Your email address will not be published.


*