Pawlkom Tinin Sumlut Lawng Siloin, Sumsuak Cazin Khal Mipi Hmuh Theih Ih Report Pek Thei A Thupi Tuk

Pu Run Bik: “Paisa ah dik cio uh sih. Leilung tlun i kan buaipi bik mi pakhat cu paisa I kan diklonak hi a si. Kan diklo cun mi in in zum nawn lo. Paisa I kan zumawk lo cun hnatuan a theih lo I hnatuan tlan khal a theih lo.

Kum 2017 ah Falam ah Lai Phun Ni le Run In Tlun Kum khal tuah a si. Khami tum ah ramsung ramleng in paisa tam zet kan khong i tam zet in pe. Paisa ngahnak lam cu simfiang a si nan paisa hmannak lam ah simfiang a si lo.

Third country i paisa in petu pawl khalin paisa hmannak kan simlo thu ah an lungkim lemlo. Cule khalai I paisa kan hmandan thu ah “Paisa thu I ka rak rinsan zet mi pawl tla an rinsan tlak ngaingai lo” tiin Zung Bawi Pum in i sim dah.

Rev.Dr.Za Hlei Kap khal in khalai ah paisa fellonak aum tiin tunai ah i sim. Mizoram ka um laiah Mizoram Periodicals Union (MPU) tiin journalist 16 lai thawn Mizoram level in pawl kan rak nei dah. Election kumtin kan nei I keimah le keimah vote ka pe aw dah lo.

Cunah treasurer ah kum 3 tum 3 vote 13 hngah in kei foreigner kha in hril theu. A voi thumnak ah kan member pakhat in “Pu Run, kan president atan pawh kan duh ache. Kan gen. Secy. atan pawh kan duh a che. Mahse pawisa ah midang kan ring lo” in ti.

Mizoram Press Owner Association khal ah treasurer ah in hril. Falam ah paisa ah kan dik ding ka ti ruangah pastor hrek khat le pawl hrekkhat i paisa kil pawlin in duh lemlo ding. Kan dik a si khalle paisa audit report tha tei kan pek lo ahcun in zumlo an um khal le zum lo a theih ko ding.

Kan zumawk lo cun Falam harsatnak I paisa kan dilnak ah mi in in pe duh nawn lo ding. Cule paisa report hi paisa kil I pek ding a si lo ih mi rintlak zet auditor 2 i report pek ding a si. Treasurer cu paisa a kilman ah lawmman tha zet pek ding a si ko.

Cuvek thotho in auditor pawl khal cu audit man lawmman tha zet pek ding a si. 2017 ah a si hmang. Rev.Dr.Lal Tin Hre i tuahmi pastor pawl seminar ah kei le Dr.Than Bil Luai kha paper in siar tir.

Kan ca ngan pawl pastor pahnih khat cun an duhlo. Ka rual Lian No Thang (RIP) hnenah Dr.Than cu politician a si lo i Run Bik hi cu kum 2020 hrilawknak i a tel thei ahcun kan vote lo ding an lo ti tiin i sim. Ka hrang ahcun MP ka si ding hnakin kan Laimi pawl tuah that hi a thupi sawn in ka thei.

Be the first to comment

Leave a Reply

Your email address will not be published.


*