PDF 2 Cu Ralhrang Pawlin An Kulh Thluh Ih Bomb In An Thataw >>>

Magway ramkulh, Myaing ramsung ah tualsung mipi kilhimtu Myaing-PDF le MVRF pawl an tangtlang ih ralhrang thawn nasa zetin an kapaw ciamco. Ralhrang thi le hliamtuar khal an tam zet.

January 10, 2022 ah Myaing-PDF 2 cu ralhrang pawlin an kulh thluh ih ralhrang kutsung ih um ding aiin bomb in an thataw thu Myaing-PDF ṭuanvo neitu in thupi poimawh tin theiternak an suah.

Myaing thlanglam Kaing Taw Ma lamzin kiangkap ah ralhrang 50 hrawng an um ih saklam Bahin lamzin kiangkap ah ralhrang 100 hrawng an um. Minta Gyi lamzin lamah ralhrang 80 hrawng an um, Bahin lamzin kiangkap ih um Myaing-PDF 2 cu ralhrang pawlin an kulh thluh.

Tlansuahnak ding lamzin aum nawn lo ruangah PDF 2 cu bomb in an nunnak an liamter. Myaing-PDF in mual liamtu PDF 2 cu miralṭha tin cawimawinak an hlan ih an tantami innsang pawl cu hmunhimnak lamah um lohli dingin theihternak an suah.

Be the first to comment

Leave a Reply

Your email address will not be published.


*