PDF (2) In Ralhrang Pawl Bomb In An Va Puah, An Tlunlam Ah Bomb Puak Sual In An Nunnnak A Liam

Shan State, Naungcho khua ih um Myanmar Economic Bank ah tualsung mipi ralkap PDF (2) in bomb an va puah ih an tlunlam ah vanduainak an tong. April 20 zingpit nazi 5:00 hrawngah bomb pakhat an va deng puak, bank kiltu ralhrang pawlin an kap ciamco ih bike thawn an tlan.

Cutin, an tlunlam ah bomb dang an kenmi cu a puak sual ruangah an nunnak a liam. Kiangkap ih um pakhat in, “Thilthleng hi zinglam nazi 5:00 hrawngah a si. Mino pahnih in bank ah bomb an va puah, bank kiltu ralhrang pawlin an rak kap ciamco.

Mino pahnih cu bike thawn an tlan, bomb dang an kenmi cu ralhrang pawlin an kap ngah maw si ding, an dai ngah pang ruangah a puak sual ti cu ka thei lo. Lamzin ah an thi cih” a ti. Mithi ruak pahnih cu tualsung mibawmtu pawlkom in an va la ih siizung ah an phur.

Mino pakhat sawn cu ralhrang leiram zung ih hnaṭuan ṭheu a si ih CDM a tuah hnuah PDF ah a lut. Ralhrang tam zet cu an inn ah an va feh hngal ih zingzoinak an nei.

Be the first to comment

Leave a Reply

Your email address will not be published.


*