PDF Bank Account Phitsak Tum In “Paisa Ka Hlu Duh” Tin A Bum

Myanmar ramsung buainak ah mino ṭhaṭha cu ramlak ah an lut ih meithal kengin thuneihnak latu ralkap pawl an do rero lai. Mipi in an bank account ihsin sumpai an kuat ṭheu ih bawmnak an pe. Cuvek lakah ralkap pawl khal an rak cangvai ve ih PDF pawl ih bank account cu phitsak dan ding an tawlrel.

Aung Myint timi facebook neitu hi zo a si ti cu theih a si lo, ralkap maw a si ding, ralkap lamtang dalan ti cu theih a si lo. Chaung U-PDF pawl hnenah “Sumpai ka hlu duh” tin sumpai hlunak ding bank account a sut.

Chaung U-PDF khalin bank account an rak sim ih Ks.1000 a hlu thu a sim thei, cumi hnu nazi pakhat ah cumi bank account cu a thi hngal. Aung Myint in PDF pawl bum ngah ah a ruat’aw man ding nan PDF pawlin an rak bum ngah sawn.

PDF in thilthleng ding an theihcia ruangah an hman ṭheumi bank account cu an pe lo ih amai hmang ding lawngah sumpai kuatnak pakhat an tuahcop ih an pek thu pawl an sim thei. Chaung U-PDF in hivek thil a thleng leh ding ti an rak theihcia ruangah ziangkim ah fimkhur zetin an cangvai thu pawl an tarlang.

Sumpai thawhtu zaten an cohlang lo thu khal an tarlang ih an cohlang hlanah zingzoinak nasa zet an neicia ṭheu. Thusutnak phunphun paltlangtu mipi pawl hnen khalah lungawithu an sim ṭheu ih mipi sumpai 50/100 ihsin thokin an kilhim ringring thu pawl theihternak an tuah.

Be the first to comment

Leave a Reply

Your email address will not be published.


*