PDF Hrang Mipi Hlumi Sumpai Ting 185 A Ei

Sagaing, Salingyi ih hrambun One Star Task Force pawl sumpai ting 185 cu Yangon ih um fala Mazin Mar Tun in a eisak thluh. Sumpai tam sawn cu click 2 donate ihsin an ngahmi a si, Mazin Mar Tun in alakin sumpai a suahsak ding thu a sim thei ruangah a hnenah sumpai an kuat ih a pe nawn lo.

A hnaṭuannak khalah an va feh nan arak theicia ruangah hmun dangah a tlanhlo. A tir ahcun midang in an bumsawng thu a sim thei, PDF pawlin a lo bumtu ih zuk le a hmin in simaw an ti. Nunau zuk pakhat a kuat hnuah PDF pawlin an va zingzoi ih thuphan ti an thei.

A nu in an thilri neihmi pawl an zuar dingih sumpai an pe kirsal ding thu mipi ralkap hnenah a sim thei nan an pe thei hrih lo, a nu in ‘kan lo pe thei lo asilen a ṭha nan tuahmi cu tuah ko uh’ a ti. Mazin Mar Tun ih bumnak ruangah PDF pawlin harsatnak phunphun an tong, meithal le siivai khal an lei thei lo.

Ei le in ding an neih lo ruangah kiangkap ih um khuami pawlin ei le in ding an pe. PDF in that an tum lawk nan mibumtu le dalan cu an bangaw lo tin an ruatsal, cun an that asilen PDF pawlin tualsung mi an that tin an hminsia ding ti an phang fawn. Sumpai ruangah thihnak thleng cu an duh lo, sumpai ngahsal ding cu beisei aum lo an ti.

Be the first to comment

Leave a Reply

Your email address will not be published.


*