PDF Hruaitu 5 An Kai

Mandalay ramsung ih um tualsung mipi kilhimtu Mandalay Special Task Force-MSTF ih an hruaitu 5 cu January 22, 2022 ah ralhrang pawlin an kai. PDF hruaitu 5 ih thlennak inn cu ralhrang pawlin an rak thei thup, sun nazi 2:00 hrawngah an va kulh thluh ih meithal in an kap ciamco hnuah an kai tin Mandalay Ranger in an tarlang.

Mandalay Ranger ṭuanvo neitu in, “Patheingyi ramsung ih MSTF hruaitu 5 cu khuasung ah an va lut duak. Khuasung inn pakhat ah reilote sung an cam. An thlennak innkiang ah ralkap ṭuan zo, pension pakhat aum ih rawl dawr a ong. Cu pa le Tekone khua upa U Tin Win in ralhrang hnenah an rak sim thei, an kaih laiah U Tin Win khal a telve” a ti.

MSTF hruaitu 5 an kaih ruangah MSFT thawn pehtlaih awtu pawl cu fimkhurten, ralringten um cio dingin theihternak an suah. Tekone khua upa U Tin Win hi a sual zet ih amah ruangah PDF 3 an thi zo ih pakhat in hliam a tuar, U Tin Win ih heknak ruangah tualsung mipi kilhimtu pawl an kai ṭheu.

Tualsung mi pakhat in, “Tekone khua upa U Tin Win hi a sual tuk, amah khal inn ah aum ngam lo ih ralhrang pawl hnenah aum ringring. Ralhrang pawlin ‘U Tin Win nan that asilen nan khawsen in kan urkang’ tin mipi pawl an hringhro ṭheu” a ti.

MSTF hruaitu 5 pwal cu an kaih tikah meithal in an kap hmaisa, ziangvek hliam an tuar, an dinhmun cu an theithei hrih lo. Mandalay ramsung ah tualsung mipi kilhimtu 170 lenglo an kai zo.

Be the first to comment

Leave a Reply

Your email address will not be published.


*